“Sumqayıt” klubu Antalyada üç yoxlama oyunu keçirəcək
Bakı, 19 dekabr, AZƏRTAC
“Sumqayıt” komandasının Azərbaycan Premyer Liqasının üçüncü dövrəsi üçün hazırlıq planları bəlli olub.
Klubdan AZƏRTAC-a verilən məlumata görə, “gənclik şəhəri” təmsilçisi dekabrın 23-də “Səbail”lə keçiriləcək oyundan sonra istirahətə buraxılacaq.
Yeni ilin yanvar ayının 3-də Sumqayıtda toplaşacaq futbolçular hazırlıqlara doğma şəhərdə start verəcəklər. Üç gün davam edəcək məşqlərin ardınca komanda Türkiyənin Antalya şəhərinə yollanacaq.
Yanvarın 6-dan 17-dək Lara bölgəsində məskunlaşacaq “Sumqayıt” bu müddət ərzində 3 yoxlama oyununda qüvvəsini sınayacaq. 8, 12 və 16 yanvar tarixlərində keçiriləcək qarşılaşmalarda rəqiblərin kimliyi hələlik məlum deyil.
Bölmənin digər xəbərləri
