SUMQAYIT YAŞILLAŞDIRMA PROQRAMINI HƏYATA KEÇİRİR
Sumqayıtda yaşıllaşdırma iməciliyi keçirilmişdir. Təhsil, səhiyyə, mədəniyyət sahələrinin və şəhər təsərrüfatlarının minlərlə işçisinin iştirak etdiyi iməcilikdə 6 minədək ağac əkilmişdir. “Heydər bağında”, Sülh prospektində, Səməd Vurğun, Zülfi Hacıyev küçələrində, yaşayış massivlərində xüsusilə qızğın iş getmişdir.
Şəhər icra hakimiyyətinin başçısı Təvəkkül Məmmədov AZƏRTAC-ın müxbirinə bildirmişdir ki, 1970-ci illərdə, Azərbaycanın rəhbəri Heydər Əliyevin göstərişi ilə respublikada yaşıllaşdırma işlərinin geniş vüsət aldığı dövrdə Sumqayıt ən səliqəli və yaşıl şəhərlərdən biri idi. Keçmiş şöhrəti qaytarmaq üçün icra hakimiyyəti Sumqayıtın yaşıllaşdırılmasına və abadlaşdırılmasına dair proqram işləyib hazırlamışdır. Onun uğurla həyata keçirilməsi üçün komissiya yaradılmışdır. Bu cür iməciliklər müntəzəm xarakter daşıyacaqdır. Sumqayıtlılar bu təşəbbüsü həvəslə dəstəkləmişlər. Onların iməcilikdə mütəşəkkil iştirakı da bunu göstərir.
Bölmənin digər xəbərləri
