Sumqayıtda güclü külək faciəyə səbəb olub
Sumqayıt, 24 mart, AZƏRTAC
Ötən gün Sumqayıtda əsən güclü külək fəsadsız ötüşmədi, bədbəxt hadisəyə səbəb oldu. İnsident şəhərin Hacı Zeynalabdin qəsəbəsində qeydə alınıb. Yaşayış binasının dam örtüyü 42 yaşlı qadının başına düşüb.
Belə ki, güclü külək yaşayış binasının dam örtüyünü qoparıb, dam örtüyü binanın həyətindən keçən şəhər sakini, 42 yaşlı Sevinc Rəsulovanın başına düşüb. Qadın baş və bədənin müxtəlif nahiyələrində ağır zərbələr alıb. Ciddi xəsarət alan qadın dərhal şəhər Təcili Tibbi Yardım Xəstəxanasına çatdırılıb.
Xəstəxananın baş həkimi Rauf Sadıqov AZƏRTAC-a bildirib ki, S.Rəsulova hazırda koma vəziyyətindədir, reanimasiya şöbəsində lazımı müalicə alır. Onun vəziyyəti çox ağırdır, xəstə tənəffüs aparatına qoşulub.
Bölmənin digər xəbərləri
