Tacikistan Gürcüstanın nəqliyyat potensialından istifadə etməkdə maraqlıdır
Tbilisi, 13 aprel, AZƏRTAC
Tacikistanın nəqliyyat naziri aprelin 14-də Gürcüstana səfərə gələcək. Görüşdə iki ölkə arasında ikitərəfli və çoxtərəfli əməkdaşlığın inkişaf perspektivləri diqqət mərkəzində olacaq.
AZƏRTAC xəbər verir ki, bu barədə Gürcüstan Xarici İşlər Nazirliyi məlumat yayıb.
Bildirilir ki, aprelin 13-də Gürcüstan xarici işlər nazirinin müavini Aleksandr Xvtisiaşvili Tacikistanın Bakıda və eyni zamanda, Tbilisidəki səfiri Rustam Soliyev ilə görüşüb.
Görüşdə Gürcüstan ilə Tacikistan arasında iqtisadi, ticarət, kənd təsərrüfatı, turizm və digər sahələrdə əməkdaşlıq məsələləri diqqət mərkəzində olub.
Tərəflər Tacikistan nəqliyyat nazirinin səfəri zamanı müzakirə olunan məsələləri bir daha nəzərdən keçiriblər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
