Tahir Əmiraslanov: Qırğızıstanda beynəlxalq kulinariya tədbirində ölkəmizi təmsil edəcəyik
Bakı, 31 may, Emil Məlikov, AZƏRTAC
İyunun 3-də Azərbaycan Milli Kulinariya Komandası ilə Qırğızıstanda təşkil olunacaq beynəlxalq kulinariya tədbirində iştirak edəcəyik.
Bunu AZƏRTAC-a açıqlamasında Azərbaycan Milli Kulinariya Assosiasiyasının prezidenti Tahir Əmiraslanov deyib.
Azərbaycan Milli Kulinariya Assosiasiyasının gördüyü işlərə toxunan T.Əmiraslanov mayın əvvəlində Avstriyada Dünya Kulinariya Birliyinin təşkilatçılığı ilə keçirilən və 115 ölkənin iştirak etdiyi Avropa Konfransında ölkəmizi təmsil etdiklərini bildirib: “Avstriyadan qayıtdıqdan sonra komandamızla Kazana keçirilən beynəlxalq çempionata qatıldıq. Həmin çempionatda 13 ölkə iştirak edirdi. Bu ölkələrdən 5 komandanın (Azərbaycan, Türkiyə, Özbəkistan, ƏIcəzair və İran) orada iki gün ərzində mətbəx günləri təşkil etmək hüququ var idi. Bizim üçün məxsusi ayrılmış məkanda Ulu Öndər Heydər Əliyevin anadan olmasının 100 illiyinə həsr olunmuş Azərbaycan-Qarabağ Milli Mətbəx Günlərini təşkil etdik. Orada komandamız çox gözəl çıxış edərək medal qazandı”.
Bölmənin digər xəbərləri
