Tahir Mirkişili: Qeyri-neft gəlirlərinin azalması büdcədə ahəngdarlığın pozulmasına səbəb olub
Bakı, 5 avqust, AZƏRTAC
2020-ci ilin ilk iki ayı bu ilə olan proqnozların doğrulacağına zəmin yaratmışdı. Lakin dünyada yayılan koronavirus pandemiyası bütün ölkələr kimi, Azərbaycan iqtisadiyyatından da yan keçmədi. Qeyri-neft gəlirlərinin azalması büdcədə ahəngdarlığın pozulmasına səbəb olub və büdcəyə yenidən baxılması zərurəti yaranıb.
AZƏRTAC xəbər verir ki, bu sözləri Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili Milli Məclisin plenar iclasında deyib.
Tahir Mirkişili qeyd edib ki, pandemiya ilə əlaqədar 2 milyard 299 milyon manat nəzərdə tutulmayan xərclər meydana çıxıb: “İstər dünyada, istərsə də ölkəmizdə iqtisadi şərtlər kifayət qədər dəyişib. Son iki ayın təhlilləri göstərir ki, biz kifayət qədər ehtiyatlı olmalıyıq. Ona görə də Prezident İlham Əliyevin tapşırığı ilə belə bir qanun layihəsi hazırlanıb və sənəddə sosial xərclərə böyük önəm verilməsi, heç bir sosial paketin ixtisar olunmaması tövsiyə edilib”.
Bölmənin digər xəbərləri
