CƏMİYYƏT
Tarixi reallıq yaxın gələcəkdə Qərbi Azərbaycan könüllülərinin də fəaliyyət göstərəcəyini deməyə əsas verir
![Tarixi reallıq yaxın gələcəkdə Qərbi Azərbaycan könüllülərinin də fəaliyyət göstərəcəyini deməyə əsas verir](/files/2023/3/1200x630/17024787075983712185_1200x630.jpg)
Bakı, 13 dekabr, AZƏRTAC
Cəmi bir neçə il əvvəl xəyal etmək olardı ki, Azərbaycan könüllüləri təbii sərvətlərin ermənilər və onların havadarları tərəfindən talanmasına Şuşada ekofəallarla birlikdə etiraz edəcəklər?!
Bir neçə il əvvəl deyilsə idi ki, Ağdam, Şuşa, Füzuli, Zəngilan könüllüləri yaradılacaq, buna təəccüblənmək olardı. Hazırda tarixi reallıq onu deməyə əsas verir ki, yaxın gələcəkdə Qərbi Azərbaycan könüllüləri də fəaliyyət göstərəcək.
AZƏRTAC xəbər verir ki, bunu Milli Məclisin deputatı, Qərbi Azərbaycan İcması sədrinin müavini Hikmət Babaoğlu "Azərbaycan Könüllülərinin VI Həmrəylik Forumu”nda çıxışı zamanı deyib.
"Əminəm ki, buradakı 3 min könüllü arasında kökü Qərbi Azərbaycana bağlı olan çoxsaylı gənclər var. Qərbi Azərbaycana qayıtmaq onların da, bütöv xalqımızın da arzusudur. Qərbi Azərbaycana qayıtmaqla, orada könüllülük hərəkatı yaratmaqla bağlı arzumuzun gerçəkləşəcəyinə inanıram", - deyə H.Babaoğlu qeyd edib.