“Tata Steel Masters”: Şəhriyar Məmmədyarov növbəti turda heç-heçəyə imza atıb
Bakı, 26 yanvar, AZƏRTAC
Niderlandın Veyk-an-Zee şəhərində “Tata Steel Masters” şahmat turnirinin 10-cu turunun oyunları keçirilib.
AZƏRTAC xəbər verir ki, Azərbaycan təmsilçisi Şəhriyar Məmmədyarov növbəti turda ABŞ təmsilçisi Samuel Şankland ilə qarşılaşıb. Qara fiqurlarla oynayan şahmatçımız 29-cu gedişdə heç-heçəyə razılaşıb.
Qeyd edək ki, on turdan sonra Ş.Məmmədyarov 6 xalla 3-cü pillədə qərarlaşıb.
Turnir cədvəlinə 7 xalla hazırkı dünya çempionu, norveçli Maqnus Karlsen başçılıq edir.
Dairəvi sistem üzrə keçirilən yarış 13 turdan ibarətdir. Turnirdə 14 şahmatçı iştirak edir.
Bölmənin digər xəbərləri
