TƏBİƏT BƏM ŞƏHƏRİNİ YENİDƏN SINAĞA ÇƏKİR
AZƏRTAC-ın Tehrandan aldığı xəbərə görə, İranın zəlzələ nəticəsində dağılmış Bəm şəhəri yanvarın 10-da daha bir təbii sınağa məruz qalmışdır. Ölkənin bu cənub-şərq bölgəsində güclü tufan olmuş, küləyin sürəti saatda 45 kilometrə çatmışdır. Qasırğa dekabrın 26-da baş vermiş zəlzələ nəticəsində evsiz-eşiksiz qalmış insanların məskunlaşdığı çadır düşərgələrinə xeyli ziyan vurmuşdur.
Torpağa zəif bərkidilən çadırlar yerindən qopmuşdur. İndi Bəmdə olanların hamısı qasırğanın səpələdiyi əmlakı yığmağa və çadırları bərkitməyə məcburdur.
Bölmənin digər xəbərləri
