Təhminə Əliyeva: Məni könüllülük fəaliyyətinə sosial sahəyə olan böyük maraq gətirib
Bakı, 4 mart, AZƏRTAC
Könüllülük böyük təcrübə, yəni insanlarla tanışlıq, ünsiyyət və özünə inam deməkdir. Elə gənc sosioloq Təhminə Əliyevanı da könüllülər sırasına məhz həmin keyfiyyətlər gətirib.
O, Bakı Dövlət Universitetinin sosiologiya fakültəsinin dördüncü kursunda oxuyur. İkinci aydır ki, 1 saylı DOST mərkəzində könüllü kimi fəaliyyət göstərir. Təhminə AZƏRTAC-a verdiyi müsahibədə deyib: “İlk növbədə mənim bu fəaliyyətə qoşulmağım ixtisasımla bağlıdır. Sosial sahəyə çox böyük marağım var, vətəndaşlarla işləməyi sevirəm. Bundan əvvəl də iki ay “ASAN xidmət”də könüllü kimi çalışmışam.
Gün ərzində çoxlu vətəndaşla ünsiyyətdə olur, onları maraqlandıran xidmət sahələrinə istiqamətləndir, lazım gəldikdə müəyyən kömək edirik. Xüsusilə həssas təbəqədən olanlarla işləmək mənə xoşdur. Burada fəaliyyət göstərdiyim müddətdə məhz onlarla işləmək bacarığına yiyələnməyə çalışıram”.
Bölmənin digər xəbərləri
