“TƏHSİL” RİM-İN YUNAN-ROMA GÜLƏŞİ ÜZRƏ AÇIQ BİRİNCİLİYİ KEÇİRİLMİŞDİR

22.05.2006 [19:30]
Çap et
A⁺ A^-

AZƏRTAC xəbər verir ki, Beyləqan şəhərində yeniyetmələr arasında yunan-Roma güləşi üzrə “Təhsil” Respublika İdman Mərkəzinin açıq birinciliyi keçirilmişdir.

Yarışda 24 şəhər və rayon komandasının 214 idmançısı mübarizə aparmışdır. Səid Sarıyev (23 kq, Beyləqan), Elman Muxtarov (29 kq, Goranboy), Eldəniz Əzizli (35 kq, Beyləqan), Muğan Əliyev (42 kq, Sumqayıt), Samir Məmmədbağırov (50 kq, Cəlilabad), Elgiz Əliyev (58 kq, Xocavənd), Seymur Əzizov (63 kq, Göyçay), Bəhruz Ələsgərov (69 kq, Qusar), Əlixan İmanov (76 kq, Əli Bayramlı) və Alim Teymurbəyov (85 kq, Əli Bayramlı) birinci yer tutmuşlar.

Ümumi komanda hesabında Beyləqan güləşçiləri birinci, Əli Bayramlı idmançıları ikinci, Cəlilabad təmsilçiləri üçüncü olmuşlar.