TƏLƏBƏLƏR PARİSDƏ ETİRAZ AKSİYASI KEÇİRMİŞLƏR
Aksiyada iştirak etmiş tələbələr xiyaban boyu hərəkət edərək, general Şarl de Qol adına meydana toplaşmış, bir neçə saatlığa nəqliyyatın hərəkətinə maneçilik törətmişlər. Polis aksiya iştirakçılarının Zəfər tağı yanındakı Naməlum əsgərin qəbri önündə mitinq keçirmək niyyətinin qarşısını alaraq, onları dağıtmışdır.
Tələbələr hökumətin yaşı 26-dan az olan gənclər işə götürülərkən müəssisə ilə bağlanmış müqavilədə işdən azadolunma səbəbinin orada göstərilməməsinə dair bəndi ləğv etməsi tələbini irəli sürmüşlər.
Ölkənin 84 universitetindən 45-nin tələbələri etiraz aksiyasına qoşulmuşlar. Renn şəhərində nümayişə çıxmış tələbələrlə asayiş qüvvələri arasında toqquşma baş vermişdir. Polis gözyaşardıcı qumbaraladan istifadə edərək, nümayişi dağıtmışdır.
Həmkarlar ittifaqları martın 18-də növbəti izdihamlı mitinq keçirməyi qərara almışlar.
Bölmənin digər xəbərləri
