Tələbələrə muzey materialları ilə işləmək bacarıqları öyrədilib
Bakı, 23 dekabr, AZƏRTAC
Milli Azərbaycan Tarixi Muzeyinin dəstəyi ilə sentyabr ayında start verilmiş “Muzey könüllüləri” layihəsi başa çatıb.
Bu barədə AZƏRTAC-a muzeydən məlumat verilib. Bildirilib ki, layihədə Qərbi Kaspi Universiteti, Azərbaycan Universiteti və digər ali məktəblərin təhsildə göstəriciləri ilə fərqlənən tələbələri iştirak ediblər. Layihə çərçivəsində tələbələrə muzey işinin təşkili, muzey fondlarının fəaliyyəti ilə bağlı elmi-tədqiqat təcrübələri və arxeoloji materiallarla işləmək bacarıqları öyrədilib. Layihə iştirakçıları artefaktların muzeydə qeydiyyatı, pasportların yazılması, fotofiksasiya qaydalarını mənimsəyiblər.
Layihənin yekununa həsr edilən tədbirdə muzeyin baş direktoru akademik Nailə Vəlixanlı könüllülərin fəaliyyətini yüksək dəyərləndirib.
Sonra layihədə iştirak etmiş tələbələrə sertifikatlar təqdim olunub.
Bölmənin digər xəbərləri
