ELM VƏ TƏHSİL
Təsviri sənət istiqamətini seçən abituriyentlər “İmtahana buraxılış vərəqəsi”ni çap edə bilərlər
Bakı, 3 iyul, AZƏRTAC
Təsviri sənət istiqamətinə aid növbəti komissiyalar üzrə “İmtahana buraxılış vərəqələri” abituriyentlərin səhifəsinə yerləşdirilib.
Bu barədə AZƏRTAC-a Dövlət İmtahan Mərkəzindən (DİM) məlumat verilib. Bildirilib ki, ali təhsil müəssisələrinin xüsusi qabiliyyət tələb edən 87 və 89, tam orta təhsil bazasından orta ixtisas təhsili müəssisələrinin 1604, 1607 və ümumi orta təhsil bazasından 411, 511 və 711-ci komissiyaları üzrə qeydiyyatdan keçmiş abituriyentlər rəsm fənni üzrə qabiliyyət imtahanında iştirak etmək üçün “İmtahana buraxılış vərəqəsi”ni çap edə bilərlər.
89, 1607 və 711-ci komissiyalar üzrə qabiliyyət imtahanları iyulun 10-11-də Lənkəran şəhərində, 87, 1604 və 411-ci komissiyalar üzrə iyulun 18-21-də Gəncə şəhərində, 511-ci komissiya üzrə isə iyulun 23-də Şəki şəhərində keçiriləcək.
Qabiliyyət imtahanlarının qrafiki ilə daha ətraflı DİM-in saytında tanış olmaq mümkündür.