TETÇER ƏN NÜFUZLU BAŞ NAZİRLƏRİN REYTİNQİNDƏ ÇÖRÇİLLİ QABAQLADI
Bi-Bi-Si-nin “History” (“Tarix”) jurnalının tarixçi Frensis Bekett tərəfindən tərtib olunmuş reytinqində onlar ilk iki yeri tutaraq, Edvard Hiti və Uinston Çörçilli qabaqlamışlar.
Bekett baş nazirlərin qarşıya qoyulmuş məqsədləri və öz vədlərini nə dərəcədə yerinə yetirməyə müvəffəq olduqlarını müəyyən etmiş və siyasətçilərə beşdən sıfıradək qiymət vermişdir. “Beş” qiymətinə yalnız 1979-cu ildən 1990-cı ilədək baş nazir olmuş Tetçer və 1945-ci ildən 1951-ci ilədək hökumətə rəhbərlik etmiş Ettli layiq görülmüşlər.
Tarixçinin sözlərinə görə, Tetçer “ona miras qalan cəmiyyəti tamam başqa bir cəmiyyətə çevirmişdir”. Ettli sənaye müəssisələrini milliləşdirdiyinə görə, habelə sosial müdafiə və səhiyyə sistemi yaratdığına görə yüksək qiymətləndirilmişdir.
Reytinqdə indiki Baş nazir Toni Bleyer “üç” qiymət alaraq, mümkün 20 yerdən 12-ci yeri tutmuş, onun sələfi Con Meycor isə “bir” qiymət almışdır.
Bölmənin digər xəbərləri
