TEYMUR RƏCƏBOV ƏNƏNƏVİ VEYK-AN-ZEE TURNİRİNDƏ İŞTİRAK EDƏCƏK
Bakı, 9 yanvar (AZƏRTAC). Şahmat Federasiyasından daxil olan məlumata görə, yanvarın 16-dan fevralın 1-dək Niderlandın Veyk-an-Zee şəhərində 71-ci beynəlxalq şahmat turniri keçiriləcəkdir.
Turnirin güclü “A” qrupunda iştirak edəcək şahmatçılar sırasında Teymur Rəcəbov, Aleksandr Morozeviç, Vasili İvançuk, Maqnus Karlsen, Vanq-Yu, Maykl Adams, Sergey Karyagin, Qata Kamski, Lenyer Dominqes, Lyuk Van Veli, Daniyel Spilvaqen, Yan Smits, Levon Aronyan və Sergey Movsesyan yer almışlar.
Turnirin orta reytinq əmsalı 2719-dur.
Ümumiyyətlə isə Veyk-an-Zee şəhərində təşkil olunacaq digər turnirlərdə 2000-dən çox şahmatçının iştirakı gözlənilir.
Bölmənin digər xəbərləri
