Ticarət nümayəndəsi: Azərbaycan Avrasiya regionunun əsas nəqliyyat qovşağına çevrilib
Bakı, 24 iyun, AZƏRTAC
Bu gün Azərbaycan Avrasiya regionunun əsas nəqliyyat qovşağına çevrilib. Azərbaycanın həyata keçirdiyi infrastruktur layihələri imkan verir ki, Avropa ilə Çin, Rusiya ilə Yaxın Şərq regionları ticarət əlaqələri yaratsınlar. Azərbaycan logistika mərkəzi kimi mövqeyini möhkəmləndirib.
AZƏRTAC xəbər verir ki, bu fikirləri Bakıda “Azərbaycan Avrasiya Logistika Mərkəzi kimi: AİB və Cənubi Qafqazın maraqlarının uzlaşdırılması” mövzusunda keçirilən beynəlxalq dəyirmi masada çıxış edən Rusiyanın Azərbaycandakı ticarət nümayəndəsi Adam Xakimov deyib.
O bildirib ki, Azərbaycan Avrasiya İqtisadi Birliyinin (AİB) üzvü olmasa da, üzv dövlətlərlə yaxın əməkdaşlıq edir. Bu əməkdaşlıq bütün sahələri, ö cümlədən nəqliyyat və tranzit sahəsini də əhatə edir.
A.Xakimov nəzərə çatdırıb ki, Rusiya ilə Azərbaycan arasında da iqtisadi və ticarət əlaqələri yüksələn xətlə inkişaf edir. Ötən il Rusiya ilə Azərbaycan arasındakı ticarət dövriyyəsinin həcmi 5 milyard dollar olub ki, bu da əlaqələrin inkişafının göstəricisidir.
Bölmənin digər xəbərləri
