“Titan” batiskafı ilə bağlı təhqiqata ABŞ Sahil Mühafizəsi rəhbərlik edəcək
Bakı, 24 iyun, AZƏRTAC
“Titan” batiskafının qəzaya uğraması ilə bağlı təhqiqata ABŞ-ın Sahil Mühafizəsi rəhbərlik edəcək.
AZƏRTAC xəbər verir ki, bu barədə ABŞ-ın Nəqliyyatda Təhlükəsizlik üzrə Milli Şurası məlumat yayıb. Məlumata görə, Sahil Mühafizəsi təhqiqatla bağlı KİV-in sorğuları ilə də məşğul olacaq.
İyunun 19-da göyərtəsində beş nəfərin olduğu “Titan” batiskafı “Titanik” gəmisinin batdığı yerə turist ekspedisiyası zamanı Atlantik okeanında radarlardan itib. İyunun 22-də axtarış qrupları okeanın dibində batiskafa aid detallar aşkarlayıb. İlkin versiyaya görə, “Titan” güclü su təzyiqi nəticəsində dağılıb, sərnişinlərin cəsədlərinin tapılması perspektivi qeyri-müəyyəndir.
ABŞ Sahil Mühafizəsi qəzanın səbəblərinin müəyyən olunması üçün axtarışların davam etdiyini bildirib.
Bölmənin digər xəbərləri
