Topaz Premyer Liqasının onuncu turunun oyunlarının vaxtı müəyyənləşib
Bakı, 27 oktyabr, AZƏRTAC
Topaz Premyer Liqasının onuncu turunda keçiriləcək qarşılaşmaların vaxtı açıqlanıb. Turun bütün görüşləri eyni gündə - oktyabrın 28-də keçiriləcək.
AZƏRTAC xəbər verir, həmin gün saat 17:00-da üç qarşılaşma oynanılacaq. “Xəzər Lənkəran” doğma meydanda “Sumqayıt”ı qəbul edəcək. Zirə İdman Kompleksinin stadionunda “Kəpəz” komandası “Zirə”nin qonağı olacaq. Sonuncu turda liderliyi ələ keçirən “Qəbələ” isə birinciliyi qorumaq üçün doğma meydanda AZAL-ı sınağa çəkəcək.
Saat 19:00-da isə Tofiq İsmayılov adına Suraxanı qəsəbə stadionunda “Qarabağ” komandası “Rəvan”, “Neftçi” isə “Bakcell Arena”da “İnter” kollektivi ilə qarşılaşacaq.
Sonuncu turda “Qarabağ”ın Sumqayıtda 0:1 hesablı məğlubiyyətindən sonra hazırda Topaz Premyer Liqasında ikihakimiyyətlilik yaranıb. “Qəbələ” komandası “Qarabağ”la eyni - 20 xal toplasa da, buraxılan topların nisbətinə görə liderliyə yüksəlib. “İnter” 17 xalla üçüncü, “Zirə” isə 16 xalla dördüncü pillədə qərarlaşıb.
Bölmənin digər xəbərləri
