Trampın akkauntunun bloklanması Twitter kompaniyasının səhmlərini ucuzlaşdırır
Bakı, 11 yanvar, AZƏRTAC
ABŞ Prezident Donald Trampın akkauntu bloklandıqdan sonra “Twitter” kompaniyasının səhmləri düşməyə başlayıb.
AZƏRTAC xarici KİV-lərə istinadla xəbər verir ki, bazar ertəsi günü ABŞ-da keçirilən ticarətdə kompaniyanın səhmləri 8 faizdən çox düşüb. Bakı vaxtı ilə saat 13:44-ə olan vəziyyətə görə, səhmlər 8,3 faiz enib.
“Twitter” sosial şəbəkəsi yanvarın 9-da “zor işlətməyə təhrikçilik riski” ilə bağlı Trampın hesabını daimi əsasda dondurub. Bundan bir müddət əvvəl “Facebook”, “Twitter”, “Instagram” və digər sosial şəbəkələr Trampın profillərinə girişləri müxtəlif müddətlərə bağlayıblar.
ABŞ KİV-lərinin məlumatına görə, Donald Tramp sosial şəbəkələrdə onun akkauntlarının bloklanması ilə əlaqədar bu gün bəyanatla çıxış edəcək.
Bölmənin digər xəbərləri
