Bakı, 28 sentyabr, AZƏRTAC

Sentyabrın 28-də TRASEKA Fondunun statusunu və fəaliyyətini tənzimləyən sənədlərinin yenidən işlənməsi üzrə İşçi qrupu veb-konfrans rejimində işə başlayıb.

AZƏRTAC TRASEKA saytına istinadla xəbər verir ki, İşçi qrupu fəaliyyətini bu təşəbbüsün konseptual olaraq dəstəklənən TRASEKA Hökumətlərarası komissiyasının 16-cı iclasının qərarına uyğun olaraq həyata keçirir. TRASEKA çərçivəsində layihələrin maliyyələşdirilməsi və təşəbbüslərin reallaşdırılmasının vacibliyini nəzərə alaraq, Fondun yaradılması yalnız icbari tibbi sığorta tərəflərinin ərazisində istifadə olunacaq vəsaitləri cəlb etməyə imkan verən təsirli mexanizmdir.

Bir sıra ölkələr qaydaların idarəetmə mexanizmləri, maliyyələşdirmə qaydası, audit məsələləri və fondun fəaliyyətinin dayandırılması hissəsində mətnin yenidən işlənməsi üzrə təkliflərlə çıxış ediblər.

Azərbaycan, Gürcüstan, İran, Qazaxıstan, Qırğızıstan, Moldova, Rumıniya, Türkiyə, Ukrayna və Özbəkistanı təmsil edən konfrans iştirakçıları TRASEKA Fondunun Əməliyyat qaydalarının mətninin yenidən işlənməsi üzrə təklifləri nəzərdən keçiriblər.

İşçi qrupu, həmçinin layihələrin maliyyələşdirilməsinə ərizələrin baxılması müddətini, maliyyələşdirmə həddinin müəyyənləşdirilməsinin məqsədəuyğunluğunu, layihələrin reallaşdırılması müddətini, eləcə də TRASEKA Fondundan maliyyə vəsaitlərinin qismən ayrılması ilə birgə maliyyələşdirmə mexanizmlərini müəyyən edən təklifləri nəzərdən keçirib.

Müzakirələrin nəticələrinə görə əldə edilmiş razılaşmalar və səsləndirilən mövqelər nəzərə alınmaqla, Fondun Əməliyyat qaydalarının mətninin yenidən işlənməsi üzrə Daimi Katibliyin işinin davam etdirilməsi barədə qərar qəbul edilib. Yenidən işlənmiş sənədlər İşçi qrupun iştirakçılarına göndəriləcək.