Azərbaycan Dövlət İnformasiya Agentliyi

DÜNYA

TU-154 TƏYYARƏSİNİN PARTLAMASINDA ŞÜBHƏLİ BİLİNƏN ŞƏXSLƏR MÜƏYYƏN EDİLMİŞDİR

27.08.2004 [15:02]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, RF Federal Təhlükəsizlik Xidmətinin nümayəndəsi Sergey İqnatçenko agentliyin müxbirinə bildirmişdir ki, avqustun 24-də gecə Rostov vilayətində partlamış Tu-154 təyyarəsinin qalıqları yoxlanılarkən partlayıcı maddə izləri tapılmışdır.

Polkovnik İqnatçenko qeyd etmişdir ki, ilkin təhlil bunun geksogen olduğunu göstərmişdir. Əlavə ekspertiza aparılır. O vurğulamışdır ki, əməliyyat-axtarış tədbirləri zamanı əldə edilən məlumat Tu-154 təyyarəsində terror aktında əli olmaqda şübhəli bilinən şəxsləri müəyyənləşdirməyə imkan vermişdir.

S.İqnatçenko demişdir ki, elə həmin gün Tula vilayətində qəzaya uğrayan Tu-134 təyyarəsi parçalarının müayinəsi zamanı heç bir yeni məlumat əldə edilməmişdir.