Turizmin müasir vəziyyəti və inkişaf istiqamətləri müzakirə olunub
Bakı, 13 iyun, AZƏRTAC
İyunun 13-də İsveçrə Konfederasiyasının Azərbaycandakı səfiri Filip Ştalder Azərbaycan Turizm və Menecment Universitetində (ATMU) olub.
ATMU-dan AZƏRTAC-a bildirilib ki, bu ali məktəbin rektoru, professor Cəfər Cəfərov ölkələrimiz arasında mövcud əlaqələrin daha da inkişafından məmnunluğunu bildirib. Universitetin fəaliyyət strategiyasından danışan rektor beynəlxalq əlaqələrin coğrafiyası kontekstində İsveçrənin turizm üzrə yüksək ixtisaslı kadr hazırlayan nüfuzlu universitetləri və müvafiq təşkilatları ilə həyata keçirilən əməkdaşlığın faydalı olduğunu diqqətə çatdırıb.
Görüşdə Azərbaycan və İsveçrədə turizmin müasir vəziyyəti, inkişaf istiqamətləri, qarşıya çıxan problemlərin səmərəli həlli yollarına dair fikir mübadiləsi aparılıb.
Bölmənin digər xəbərləri
