TÜRKİYƏ KLUBLARININ OYUNLARININ BİTƏRƏF MEYDANLARA KEÇİRİLMƏSİ BARƏDƏ QƏRAR ÖLKƏDƏ NARAZILIĞA SƏBƏB OLMUŞDUR

26.11.2003 [18:12]
Çap et
A⁺ A^-

AZƏRTAC-ın Ankaradan aldığı xəbərə görə, futbolçuların təhlükəsizliyini təmin etmək bəhanəsi ilə Türkiyənin məşhur “Qalatasaray” və “Beşiktaş” klublarının iştirakı ilə Kubok yarışlarının iki oyununun bitərəf meydanlara keçirilməsi barədə UEFA –nın qərarı ölkənin idman dairələrində narazılığa səbəb olmuşdur. Türkiyə hökumətinin nümayəndələri də bu məsələyə biganə qalmamışlar. Türkiyə Baş nazirinin müavini Mehmet Əli Şahin demişdir: “UEFA ədalətsiz qərar qəbul etmişdir, bu isə beynəlxalq terrorizmə güzəştə getmək deməkdir”.

Baş nazirin müavini bildirmişdir ki, UEFA-nın qərarı Böyük Britaniya hökumətinin təzyiqi ilə qəbul edilmişdir. Böyük Britanyanın xarici işlər naziri Cek Stro məhz İngiltərə nümayəndəlikləri önündə terror aktlarından dərhal sonra İstanbula gələrək, belə təklif irəli sürmüşdür.

Bu məsələyə son nöqtəni Türkiyə hökumətinin başçısı Rəcəb Tayyib Ərdoğan qoyaraq, UEFA-nın qərarını “ədalətsiz” qərar adlandırmışdır. O demişdir ki, UEFA beynəlxalq terror təşkilatlarının yeni terror aktlarına sövq edir. Baş nazir bunu da əlavə etmişdir ki, hökumət bu məsələyə laqeyid qalmayacaq və Türkiyə futbol klublarının və onların azarkeşlərinin mənafelərini qorumaq üçün lazimi tədbirlər görəcəkdir.

TÜRKİYƏ KLUBLARININ OYUNLARININ BİTƏRƏF MEYDANLARA KEÇİRİLMƏSİ BARƏDƏ QƏRAR ÖLKƏDƏ NARAZILIĞA SƏBƏB OLMUŞDUR

MÜƏLLİFLƏ ƏLAQƏ

Bölmənin digər xəbərləri