Türkiyə müxalifətinin prezidentliyə namizədi kim olacaq?
Bakı, 6 mart, AZƏRTAC
Türkiyədə mayın 14-də keçirilməsi nəzərdə tutulan prezident seçkilərində müxalifətin namizədi kim olacaq?
AZƏRTAC xəbər verir ki, Türkiyə mediasının diqqəti hazırda bu suala yönəlib. “Altılı” masanın namizədinin adı yaxın saatlarda açıqlanacağı gözlənilir.
Bir qədər əvvəl CHP, Demokratik Partiya, Səadət Partiyası, DEVA Partiyası, İyi Partiya və Gələcək Partiyası rəhbərlərinin görüşü başlayıb. Fikir ayrılığı səbəbindən “Altılı masa”nı tərk etmiş İyi Partiyanın sədri Meral Akşenerin yenidən masaya qayıtması gözlənilməz olub.
Görüşün keçirildiyi Səadət Partiyasının qərargahı önünə müxalifətin çoxsaylı tərəfdarları toplaşıb.
Qeyd edək ki, Ədalət və İnkişaf Partiyasının prezidentliyə namizədi hazırkı dövlət başçısı Rəcəb Tayyib Ərdoğandır.
Bölmənin digər xəbərləri
