Türkiyə polisi son 4 gün ərzində 700 ədəd qanunsuz silah müsadirə edib
Ankara, 15 aprel, AZƏRTAC
Türkiyənin Daxili İşlər Nazirliyi Ramazan bayramı günlərində qanunsuz odlu silahların müsadirəsi üzrə irimiqyaslı əməliyyat həyata keçirib.
AZƏRTAC xəbər verir ki, “Obyektiv-17” adlı dördgünlük əməliyyat zamanı ölkənin 74 vilayətində yerli və xarici ölkə istehsalı olan qeydiyyatsız odlu silahlar saxlayan 869 nəfər saxlanılıb. Polis onlardan 707 ədəd silah, o cümlədən 500-dən artıq tapança, tüfəng müsadirə edib.
Türkiyə DİN-in başçısı Ali Yerlikaya özünün sosial şəbəkə hesablarında yazıb ki, silah qaçaqmalçılığı və qanunsuz odlu silah saxlayan şəxslərlə mübarizə bundan sonra da davam edəcək.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
