Türkiyə və Misirin xarici işlər nazirləri arasında telefon danışığı olub
Ankara, 10 aprel, AZƏRTAC
Türkiyənin xarici işlər naziri Mövlud Çavuşoğlu ilə Misirin xarici işlər naziri Sami Şükrü arasında telefon danışığı olub.
AZƏRTAC xəbər verir ki, bu barədə Türkiyə Xarici İşlər Nazirliyi məlumat yayıb.
Məlumatda bildirilib ki, nazirlər Ramazan bayramı münasibətilə bir-birini təbrik ediblər.
Qeyd edək ki, son aylar Türkiyə ilə Misir arasında diplomatik münasibətlərdəki yaxınlaşma bölgədəki siyasi vəziyyətə əhəmiyyətli dərəcədə təsir göstərib. İki ölkənin əməkdaşlıq əlaqələrinin bərpası xüsusilə Şərqi Aralıq dənizində yeni münasibətlər mühiti vəd edir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
