Türkiyə XİN: Banqladeşdə müvəqqəti hökumətin konstitusiyaya uyğun seçkilər keçirəcəyinə ümid edirik
İstanbul, 6 avqust, Günel Karatepe, AZƏRTAC
Türkiyənin Xarici İşlər Nazirliyi (XİN) Banqladeşdə baş verən son hadisələrlə bağlı bəyanat yayıb.
AZƏRTAC xəbər verir ki, bəyanatda Türkiyənin Banqladeşdə baş verənləri yaxından izlədiyi vurğulanıb.
“Nümayişlər zamanı insan tələfatı bizi dərindən kədərləndirir. Ümid edirik ki, qurulacaq müvəqqəti hökumət ölkəni konstitusiyaya uyğun şəkildə seçkilərə aparacaq və bu səsvermə qardaş Banqladeşin demokratiyasına, sülh və sabitliyinə töhfə verəcək”, - deyə Türkiyə XİN bildirib.
Bölmənin digər xəbərləri
