Türkiyədə bir ay ərzində yanacağın 14-cü dəfə bahalaşacağı gözlənilir
Ankara, 31 mart, AZƏRTAC
Türkiyədə neftin qlobal qiymətlərinin artması fonunda bir ayda 13 dəfə artan yanacaq qiymətləri yenidən qalxacaq.
AZƏRTAC xəbər verir ki, dizel yanacağının qiymətlərində əhəmiyyətli bir artımın bu gecə yarısından etibarən qüvvəyə minəcəyi gözlənilir.
Mart ayının əvvəlindən bəri Türkiyədə benzinin qiyməti litr başına 59 lirədən 63 lirəyə, dizel yanacağının qiyməti isə 61 lirədən 76 lirəyə qalxıb.
Sənaye mənbələrinə görə, Türkiyədə dizel yanacağının qiymətləri gecə yarısından etibarən yenidən artacaq (litr başına 2,5 lirədən çox), ölkənin qərb vilayətlərində 80 lirəyə yaxınlaşacaq, şərqdə isə bu həddi də keçəcək.
Aprelin ilk günündə ən bahalı dizel yanacağı şərqdəki Hakkari əyalətində olacaq (80 lirə 24 quruş). Ağrı, Batman, Bingöl, Bitlis, Diyarbəkir, Elazığ, Hakkari, İğdır, Mardin, Muş, Siirt, Şırnak, Tunceli və Van vilayətlərində dizel üçün demək olar ki, eyni qiymətlər müəyyən ediləcək.
Bölmənin digər xəbərləri
