Türkiyədə ənənəvi təhsilin sentyabr ayından etibarən tam fəaliyyətə keçməsi gözlənilir
İstanbul, 3 iyun, AZƏRTAC
Məktəbləri sentyabr ayında açmaq istəyirik. Biz açılmasının tərəfdarıyıq, lakin risk gördüyümüzdə də təkrar bağlaya bilərik. Müəllimlərimizi və uşaqlarımızı risk altında qoysaq bunun adı təhsil olmaz.
AZƏRTAC xəbər verir ki, bu fikirləri Türkiyənin milli təhsil naziri Ziya Selçuk ifadə edib.
Qardaş ölkədə indiyədək təxminən 813 min müəllimin peyvəndləndiyini deyən nazir iyun ayının sonuna qədər digər təhsil işçilərinə də vaksin vurulacağını bildirib.
Z.Selçuk Türkiyədəki bütün uşaqların Milli Dəstək Proqramı (UDEP) çərçivəsində dəstəkləndiyini və bu dəstəyin önümüzdəki 1,5 ildə daha da yayılacağını qeyd edib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
