Türkiyədə FETÖ terror təşkilatına qarşı növbəti əməliyyat keçirilir
İstanbul, 13 aprel, AZƏRTAC
Türkiyə Silahlı Qüvvələrinin FETÖ terror təşkilatı ilə əməkdaşlıqda şübhəli bilinən hərbi qulluqçularının saxlanılması istiqamətində növbəti genişmiqyaslı əməliyyat keçirilir.
AZƏRTAC Anadolu Agentliyinə istinadən xəbər verir ki, ölkənin 49 vilayətində paralel keçirilən əməliyyatlarda Türkiyə Silahlı Qüvvələrinin terror təşkilatları ilə əlaqə saxlamaqda şübhəli bilinən 89 üzvünün saxlanılmasına qərar verilib. Onların arasında Türkiyənin Quru Qoşunları Komandanlığının, Hərbi Hava Qüvvələrinin, Hərbi Dəniz Qüvvələrinin, polis və jandarma qüvvələrinin əməkdaşları da var. Şübhəlilərdən 42-sinin hazırda fəaliyyətdə olduğu bildirilir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
