Türkiyənin 36 vilayətində terrorçularla əlaqədə şübhəli bilinən 222 şəxs saxlanılıb
Ankara, 17 avqust, AZƏRTAC
Türkiyənin daxili işlər naziri Ali Yerlikaya ölkənin 36 vilayətini əhatə edən növbəti antiterror əməliyyatının keçirildiyini bildirib.
AZƏRTAC xəbər verir ki, “Gürz-8” kod adı altında keçirilən əməliyyat çərçivəsində PKK terror təşkilatı ilə əlaqədə şübhəli bilinən 222 şəxs saxlanılıb.
DİN rəhbəri qeyd edib ki, antiterror əməliyyatı Türkiyənin kəşfiyyat xidməti tərəfindən planlaşdırılıb və əlaqələndirilib.
Saxlanılan şəxslərə qarşı sosial şəbəkələrdə cinayətkar strukturların təbliğatı ilə məşğul olmaq, PKK terrorçularının maliyyələşdirilməsi və dəstəklənməsi, əliqanlı terror təşkilatının xaricdəki şəbəkələrində iştirak etməklə bağlı ittihamlar irəli sürülüb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
