Türkiyənin ərazi sularında 50 qanunsuz miqrant saxlanılıb
İstanbul, 9 mart, Günel Karatepe, AZƏRTAC
Egey dənizinin Türkiyənin ərazi sularına daxil olan hissəsində 50 qanunsuz miqrant saxlanılıb.
AZƏRTAC xəbər verir ki, miqrantlar bölgədə patrul aparan Sahil Mühafizəsi Xidmətinin gəmi heyəti tərəfindən Türkiyənin İzmir vilayətinin Çeşmə və Karaburun rayonları sahillərinə yaxın bölgədə ələ keçiriliblər. İki rezin qayıqda aşkarlanan bu miqrantlardan 22-nin azyaşlı olduğu müəyyən edilib. Miqrantlar aidiyyəti qurumlara təhvil veriliblər.
Bölmənin digər xəbərləri
