“TÜRKLƏR, AZƏRBAYCANLILAR, ERMƏNİLƏR: TARİXİ HƏQİQƏTİN “SOYQIRIMI” KİTABI GÜRCÜSTANDA DA MÜSBƏT RƏY DOĞURDU
Tbilisidə Azərbaycan dilində çıxan “Gürcüstan” qəzetində Milli Məclisin deputatı, akademik Cəlal Əliyevin və akademik Budaq Budaqovun “Türklər, azərbaycanlılar, ermənilər: tarixi həqiqətin “soyqırımı” kitabı haqqında geniş rəy dərc edilmişdir. Yazıda xüsusi vurğulanır ki, müəlliflər tarixi birtərəfli şəkildə yozan və ancaq özlərinin xeyrinə saxtalaşdıran ermənilərə və onların qərəzkar havadarlarına tutarlı cavab vermişlər. Onlar inkarolunmaz faktlar gətirərək, saxtakarların iç üzünü və ümumiyyətlə, nə kimi məkrli məqsəd güddüklərini ifşa edirlər. Müəlliflər erməni quldurların müxtəlif dövrlərdə azərbaycanlıların və türklərin başına gətirdikləri müsibətləri xarici ölkələrin arxiv materialları, əcnəbi alimlərin analitik təhlilləri əsasında geniş açıqlayır, tarixi həqiqətləri üzə çıxarırlar.
Qəzetin redaktoru Süleyman Süleymanov AZƏRTAC-ın müxbirinə demişdir ki, bu əsər Gürcüstanın yaxın tarixinin öyrənilməsi, ermənilərin bu ölkədə də törətdikləri vəhşiliklər barədə həqiqətlərin üzə çıxarılması üçün də dəyərli tədqiqatdır. Gürcü həmkarlarımız, bəzi tarixçilər artıq bu əsər haqqında məlumata malikdirlər. İnanıram ki, gürcülərə həmişə əlindən gələn köməyi göstərmiş akademik Cəlal Əliyevin Budaq Budaqovla birgə yazdığı bu kitab gürcü dilində də işıq üzü görəcəkdir. Hələlik isə biz onun Gürcüstandakı soydaşlarımız arasında yayılmasına çalışacağıq.
Şahismayıl Məmmədov
AZƏRTAC-ın xüsusi müxbiri
Tbilisi
Bölmənin digər xəbərləri
