Türkmənbaşı Beynəlxalq Dəniz Limanı neft ixracının imkanlarını artıracaq
Aşqabad, 10 sentyabr, AZƏRTAC
Türkmənistanın Türkmənbaşı Beynəlxalq Dəniz Limanı, “Kenar” terminalının neft yükləmə dayaqlarını yenidən quracaq.
AZƏRTAC xəbər verir ki, dayaqların modernləşdirilməsi limanın müvafiq məhsulların ixracı imkanlarını artıracaq. Buna ehtiyac Türkmənistan neftinə olan tələbat və hasilat səviyyəsinin artması ilə əlaqədardır.
Ölkənin statistika komitəsinin məlumatına görə, 2020-ci ilin yanvar-iyul aylarında “Türkmənneft” dövlət konserni neft hasilatı səviyyəsini əvvəlki ilin eyni dövrü ilə müqayisədə 6,7 faiz artırıb.
Qeyd edək ki, bu ilin yanvar-avqust aylarında ölkə Rusiyaya 1,47 milyon ton qara qızıl ixrac edib.
İlahə Əhmədova
AZƏRTAC-ın xüsusi müxbiri
Aşqabad
Bölmənin digər xəbərləri
