TÜRKMƏNBAŞI “RUHNAMƏ”Nİ DÜNYA KİTABXANALARINA GÖNDƏRİR
Nazirliyin bəyanatında deyilir: “Türkmənistanda nəşr olunmuş və 32 dilə çevrilən “Ruhnamə” əsərinin iki mindən çox nüsxəsi dünyanın 160-dan artıq ölkəsinin 1222 kitabxanasına göndərilmişdir. Bundan məqsəd dünya birliyini Türkmənbaşının nurlu əsərində tərənnüm olunmuş türkmən xalqının mənəvi sərvətləri və dəyərləri ilə tanış etməkdir”.
Türkmənistan prezidentinin 2001-ci ildə şəxsən yazdığı “Ruhnamə” ölkənin bütün vətəndaşları üçün müqəddəs kitab və əxlaqi qaydalar toplusudur. Hər bir türkmən onu məktəbdə öyrənməyə, işdə və evdə oxumağa borcludur. Dövlət məmurları bu əsərin mətnini bilmək üzrə hər il imtahan verir, məhbuslar isə həbsxanadan çıxmazdan əvvəl ona and içirlər.
Türkmənistan parlamenti 2005-ci ili rəsmən “Ruhnamə” ili elan etmişdi. Cari ilin əvvəlində Niyazov ölkədə “Ruhnamə” adına universitet tikilməsi haqqında sərəncam imzalamış, bu yaxınlarda isə əsəri üç dəfə oxuyan hər bir kəsə cənnətə birbaşa yol vəd etmişdir.
Bölmənin digər xəbərləri
