U-17 Liqasının qalibləri mükafatlandırılıb
Bakı, 3 may, AZƏRTAC
Mayın 3-də AFFA-nın inzibati binasında futbol üzrə U-17 Liqasının qaliblərinin mükafatlandırma mərasimi keçirilib.
AZƏRTAC AFFA-ya istinadla xəbər verir ki, “Sabah”dan Vüsal Qəmbərov ən yaxşı oyunçu, “Qarabağ”dan Qurban Məhərrəmov isə ən yaxşı qapıçı seçilib. Rəqib qapılarından 19 top keçirmiş “Neftçi”nin hücumçusu Emil Quluzadə isə liqanın bombardiri olub.
“Neftçi” və “Qəbələ” müvafiq olaraq bürünc və gümüş medallarla təltif olunub. 2018-2019-cu il mövsümünün qalibi “Sabah” komandasına isə qızıl medallar və kubok təqdim edilib.
Mükafatları ümumittifaq dərəcəli hakim Rüstəm Rəhimov və uşaq və gənclər liqaları üzrə yarışların təşkili şöbəsinin rəhbəri Yusif Vəliyev veriblər.
Bölmənin digər xəbərləri
