Ualibekov Janqeldi: Azərbaycanın yaratdığı nəqliyyat infrastrukturu AİB ölkələri üçün əhəmiyyətlidir
Bakı, 24 iyun, AZƏRTAC
Qazaxıstan ilə Azərbaycan arasında nəqliyyat və tranzit əlaqələri qurulub və inkişaf etməkdədir. Qazaxıstan Aktau limanını yüksən səviyyədə yenidən quraraq müasir standartlar səviyyəsinə çatdırıb ki, bu da Avrasiya İqtisadi Birliyinə (AİB) üz olan dövlətlərə cənub bazarlarına çıxış imkanı verir.
AZƏRTAC xəbər verir ki, bu fikirləri Qazaxıstanın Azərbaycandakı səfirliyinin müşaviri Ualibekov Janqeldi Bakıda keçirilən “Azərbaycan Avrasiya Logistika Mərkəzi kimi: AİB və Cənubi Qafqazın maraqlarının uzlaşdırılması" mövzusunda beynəlxalq dəyirmi masada çıxışı zamanı səsləndirib.
O bildirib ki, Qazaxıstan ilə Azərbaycanın nəqliyyat və tranzit əlaqələri Avrasiya regionundakı dövlətlər üçün ticarət əlaqələrinin genişlənməsinə, yeni bazarlara çıxmalarına imkanlar yaradır: “Qazaxıstan AİB-in fəal üzvü kimi Cənubi Qafqaz dövlətləri ilə nəqliyyat əlaqələrinin genişlənməsində maraqlıdır. Qazaxıstan ilə Azərbaycanın nəqliyyat dəhlizlərinin inkişafı sahəsindəki əməkdaşlığı Avropa və Şərqlə ticarəti intensivləşdirir. Azərbaycanın yaratdığı dəmir yolu infrastrukturu AİB ölkələri üçün də əhəmiyyətlidir”.
Bölmənin digər xəbərləri
