Üçüncü yeri tutan Formula 2 pilotu: Performansımızı nümayiş etdirə bildik
Bakı, 26 sentyabr, AZƏRTAC
Ümumilikdə bizim üçün çox yaxşı həftəsonu keçdi. Sürətimiz yüksək idi və hər iki yarışda ön sıralarda mübarizə apardıq. Kiçik bir səhvi nəzərə almasaq, sükan arxasında özümə güvənirdim və gözlədiyimiz performansı nümayiş etdirə bildik.
AZƏRTAC xəbər verir ki, bu sözləri Formula 2 Azərbaycan Qran-Prisində üçüncü yeri tutan “Rodin”in sürücüsü Aleks Dann mətbuat konfransında deyib.
Yarışın gedişatındakı çətinliklərə toxunan A.Dann qeyd edib: “Günün ikinci yarısında bir qədər çətinliklərimiz oldu, bolidin idarəetməsi gözlədiyimizdən daha çox güc tələb edirdi. Buna baxmayaraq, sona qədər mövqeyimizi qoruyub saxlaya bildik. Fəxri kürsüdə yer almaq bizim üçün vacib idi”.
Fotoqraf - Tofiq Babayev
Bölmənin digər xəbərləri
