UEFA Avropa Liqası: həftənin oyunçusu adına namizədlər müəyyənləşib
Bakı, 3 may, Elvin Mövsümov, AZƏRTAC
UEFA Avropa Liqasında həftənin futbolçusu adına namizədlər müəyyənləşib.
AZƏRTAC UEFA-nın saytına istinadla xəbər verir ki, iddiaçılar arasında “Arsenal”ın hücumçuları Pyer-Emerik Obameyanq və Aleksandr Lakazet, eləcə də İngiltərənin “Çelsi” klubunun yarımmüdafiəçiləri Ruben Loftus-Çik və Almaniyanın “Ayntraxt” komandasının qapıçısı Kevin Trap yer alıblar.
Ruben Loftus-Çik “Ayntraxt” ilə qarşılaşmada (1:1) məhsuldar ötürmə ilə yadda qalıb. Kevin Trapp isə dörd epizodda qapısını toxunulmaz saxlaya bildiyi üçün siyahıya daxil edilib.
Qeyd edək ki, UEFA Avropa Liqasının yarımfinal mərhələsinin cavab matçları mayın 9-da oynanılacaq. Bu mötəbər turnirin final matçı mayın 29-da Bakı Olimpiya Stadionunda təşkil olunacaq.
Bölmənin digər xəbərləri
