UEFA Çempionlar Liqasının püşkatması yenidən keçiriləcək
Bakı, 13 dekabr, AZƏRTAC
UEFA Çempionlar Liqasının səkkizdəbir final mərhələsinin püşkatması yenidən keçiriləcək.
AZƏRTAC UEFA-nın saytına istinadla xəbər verir ki, püşkatma mərasimi zamanı baş verən texniki problem səbəb olub.
Püşkatma mərasimi bu gün Bakı vaxtı ilə saat 18:00-da yenidən keçiriləcək.
İngiltərənin “Mançester Yunayted” və “Liverpul” klublarının adlarının yazıldığı şarlar səhvən fərqli qutulara qoyulub. Nəticədə “qırmızı şeytanlar” əvvəlcə eyni qrupda mübarizə apardığı İspaniyanın “Vilyarreal” klubu ilə rəqib olub. Səhv qısa zamanda aradan qaldırılsa da, bu dəfə La Liqa təmsilçisinin potensial rəqibləri arasında mersisaydlılar olmayıb.
Həmçinin İspaniyanın “Atletiko Madrid” klubunun mümkün rəqibləri arasına qrupda birgə mübarizə apardığı “Liverpul”un adının yazıldığı şar qoyulub. “Mançester Yunayted”ın adı isə həmin siyahıda yer almayıb.
Bölmənin digər xəbərləri
