UEFA Konfrans Liqasının dörddəbir final mərhələsinin püşkü atılıb
Bakı, 18 mart, Nicat Məmmədov, AZƏRTAC
Martın 18-də futbol üzrə UEFA Konfrans Liqasının 2021-2022-ci il mövsümünün dörddəbir final mərhələsinin püşkü atılıb.
AZƏRTAC xəbər verir ki, UEFA-nın İsveçrənin Nyon şəhərindəki mənzil-qərargahında keçirilən püşkün nəticələrinə əsasən, Fransanın “Marsel” komandasının rəqibi Yunanıstanın PAOK klubu olub. İngiltərənin “Lester Siti” komandası dörddəbir finalda Niderlandın “PSV Eyndhoven”, Norveçin “Budyo-Qlimt” klubu İtaliyanın “Roma” komandası ilə qarşılaşacaq. “Feyenoord” (Niderland) komandası isə yarımfinala vəsiqə uğrunda Çexiyanın “Slaviya Praqa” komandası ilə üz-üzə gələcək.
Qeyd edək ki, dörddəbir final matçları aprelin 7-də və 14-də, yarımfinal qarşılaşmaları aprelin 28-də və mayın 5-də olacaq. Final görüşü isə mayın 25-də Albaniyanın paytaxtı Tiranada oynanılacaq.
Bölmənin digər xəbərləri
