Ukrayna ilə Polşa vergi cinayətlərinə qarşı səylərini birləşdirir
Bakı, 7 sentyabr, AZƏRTAC
Ukrayna və Polşa hökumətləri fiskal cinayətlərə qarşı birgə mübarizə aparmaq sahəsində əməkdaşlıq etməyi planlaşdırır.
AZƏRTAC xarici saytlara istinadla xəbər verir ki, bu ölkələrin Maliyyə nazirləri Sergey Marçenko və Todeuş Kostsinski vergi cinayətkarlığına və ƏDV-nin qanunsuz əvəzləşdirilməsinə qarşı mübarizə çərçivəsində əməkdaşlığın dərinləşdirilməsi barədə sənəd imzalayacaqlar.
"Dövlətlər vergidən yayınmaya qarşı cəhdlərin qarşısını almaq və fırıldaqçılığa qarşı daha səmərəli mübarizə aparmaq üçün yaxından əməkdaşlıq etməlidirlər", - deyə T.Kostsinski Kiyevə səfəri zaman bildirib.
Bölmənin digər xəbərləri
