Ukrayna-Polşa sərhədində 1700-dən çox yük avtomobili növbə gözləyir
Kiyev, 21 aprel, AZƏRTAC
Polşalı fermerlər Ukrayna ilə sərhəddə keçid məntəqələrini bağlamaqda davam edirlər. Təkcə iki məntəqədə 1700-dən çox yük avtomobili növbə gözləyir.
AZƏRTAC xəbər verir ki, bu barədə telemarafon zamanı Ukrayna Dövlət Sərhəd Xidmətinin spikeri Andrey Demçenko bildirib.
O qeyd edib ki, Şegini-Medika və Krakovets-Korçeva keçid məntəqələrində 1700-dən çox yük avtomobili növbə gözləyir.
Qeyd edək ki, fevral ayında polşalı fermerlər ölkə boyu etiraz aksiyalarına başlayıblar. Onlar Ukrayna ərzaq məhsullarının idxalına qarşı çıxırlar, çünki bu, daxili bazarda qiymətlərə təsir edir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
