UKRAYNA SƏFİRLİKLƏRİNİN TƏRKİBİNDƏ MƏDƏNİYYƏT-İNFORMASİYA MƏRKƏZLƏRİ FƏALİYYƏT GÖSTƏRƏCƏKDİR
Nazirin sözlərinə görə, cari ilin axırınadək belə mərkəzlər Avstriyada, Moldovada və Polşada açılacaqdır.
Boris Tarasyuk bildirmişdir ki, xaricdə yaşayan ukraynalılarla əməkdaşlıq Ukrayna xarici siyasətinin öncül istiqamətlərindən biridir. Bu işi XİN əlaqələndirir. Bir ildən artıqdır ki, XİN-in tərkibində Xaricdə Yaşayan Ukraynalıların Məsələləri üzrə İdarə fəaliyyət göstərir. Xaricdə yaşayan ukraynalılarla əməkdaşlığa dair 2010-cu ilədək olan dövr üçün Dövlət Proqramı qəbul edilmiş, bu əməkdaşlığın Milli konsepsiyası işlənib hazırlanmış və forum iştirakçılarının müzakirəsinə verilmişdir.
B.Tarasyuk demişdir ki, müştərək hökumətlərarası komissiyalar xaricdə yaşayan ukraynalıların dəstəklənməsi üçün səmərəli vasitədir. Bu komissiyalar milli azlıqlara mənsub şəxslərin hüquqlarının təmin edilməsi məsələləri ilə məşğul olurlar. Rumıniya, Macarıstan və Slovakiya ilə belə komissiyalar yaradılmışdır. Ukrayna xaricdə yaşayan ukraynalıların hüquqlarının təmin olunması üçün ATƏT və Avropa Şurası ilə fəal əməkdaşlıq apararaq, bu təşkilatların ekspertlərini yaşadıqları ölkələrdə ukraynalıların vəziyyətinə dair monitorinqlərə cəlb edir.
Bölmənin digər xəbərləri
