Ukraynada hərbi vəziyyət və səfərbərliyin müddəti uzadılıb
Kiyev, 7 avqust, AZƏRTAC
Ukrayna Prezidenti Volodimir Zelenski hərbi vəziyyət və ümumi səfərbərliyin müddətinin uzadılması haqqında qanunları imzalayıb. Onlar hələ ən azı 90 gün qüvvədə olacaq.
Bu barədə AZƏRTAC Ukrayna Ali Radasının saytına istinadla xəbər verir.
Avqustun 7-də, çərşənbə günü dövlət başçısı 11433 və 11434 nömrəli qanunları imzalayıb. Beləliklə, Ukraynada avqustun 12-dən hərbi vəziyyət və ümumi səfərbərliyin müddəti daha 90 gün uzadılıb. Yəni, onlar ən azı 2024-cü il noyabrın 9-dək qüvvədə olacaq.
Müharibə başlayandan bəri Ukraynada qeyd edilən hüquqi rejimin müddəti artıq 12-ci dəfədir uzadılır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
