UKRAYNADA QOLODOMOR HAQQINDA ARXİVLƏR AÇILDI
UTX Dövlət arxivinin müdiri Sergey Boqunov bildirmişdir ki, qolodomor haqqında burada olan bütün sənədlərin məxfiliyinə son qoyulmuşdur. UTX-yə bütün bu sənədləri öz arxivindən və regional orqanların arxivindən toplamaq üçün təxminən dörd il vaxt lazım olmuşdur.
Bu müddət ərzində üst-üstə 130 sənəd toplanaraq, məxfilikdən çıxarılmışdır. Onların arasında USSR DSİ-nin sərəncamı, direktivlər, göstərişlər, təlimatlar, şahidlərin şəhadətləri və cinayət işlərinə dair materiallar var.
Boqunov demişdir ki, bu sənədlər qolodomorun təşkilində DSİ orqanlarının rolu barədə təsəvvürü genişləndirməyə imkan verir. Lakin bu barədə qəti fikri peşəkar tarixçilər söyləməlidirlər.
Qolodomoru 1932-1933-cü illərdə Ukrayna SSR əhalisinin kütləvi surətdə məhv edilməsi aksiyası adlandırırlar. Fərziyyələrdən birinə görə, ərzaq çatışmazlığı və insanların qırılması sovet rəhbərliyinin şüurlu və məqsədyönlü şəkildə həyata keçirdiyi əməlləri ilə bilavasitə bağlı idi.
Bölmənin digər xəbərləri
