UKRAYNANIN XARİCİ SİYASƏT XƏTTİ DƏYİŞMƏZ QALIR, DƏYİŞƏN YALNIZ AVRATLANTİK İNTEQRASİYA TAKTİKASIDIR
V.Yanukoviçin anlatdığı kimi, Ukrayna onu əsas tutacaqdır ki, əməkdaşlıq haqqında bəyannamə öz təcəssümünü konkret işlərdə tapmalıdır. Odur ki, Ukrayna öz strateji tərəfdaşı olan Avropa Birliyi ilə münasibətlərini daha məsuliyyətlə, daha praqmatik və konkret şəkildə quracaqdır.
Məlum olduğu kimi, AB rəhbərləri bir sıra sərt bəyanatlar verərək bildirmişdilər ki, onlar yaxın gələcəkdə Ukraynanı öz təşkilatının üzvü kimi görmürlər. Kiyev bu bəyanatlara və NATO-nun mövqeyinə öz Hərbi doktrinasında dəyişikliklər etməklə cavab vermişdir. Prezident Leonid Kuçma iyulun 15-də fərman imzalayaraq, Ukraynanın Avratlantik siyasətinin son məqsədləri kimi, ölkəsinin NATO-ya və Avropa Birliyinə daxil olmasına dair müddəanı Hərbi doktrinadan çıxarmışdır.
Ukraynanın Hərbi doktrinasındakı dəyişikliklər məsələsi NATO-da və Avropa Birliyində nəzərdən qaçmamışdır. Bu mövzu ABŞ-ın müdafiə naziri Donald Ramsfeldin avqustun 13-də Krımda apardığı danışıqlarda diqqət mərkəzində olmuşdur.
Bölmənin digər xəbərləri
