ÜMUMGÜRCÜSTAN KATOLİKOS PATRİARXI KODORİ DƏRƏSİNDƏKİ VƏZİYYƏTLƏ BAĞLI BƏYANAT VERİB
AZƏRTAC-ın xüsusi müxbiri xəbər verir ki, Ümumgürcüstan Katolikos- Patriarxı II İlia Kodori dərəsindəki hadisələrlə əlaqədar bəyanat vermişdir.
Bəyanatda deyilir: “Təəssüf ki, gözlənilmədən ölkədə yaranmış ağır vəziyyətə görə biz yenidən qardaş qırğınına səbəb olan müharibə təhlükəsi qarşısındayıq. Allah demişdir: “Qılınc qaldıran qılıncla öləcəkdir”. Bunu hamı yadda saxlamalıdır”.
II İlia xəbərdarlıq edir ki, Svaneti bölgəsində baş verən hadisələr həm Gürcüstan hökuməti, həm də Kodori dərəsində olanlar üçün əvvəlcədən nəzərdə tutulmamış istiqamətdə inkişaf edə və vəziyyəti daha da pisləşdirə bilər”.
Bölmənin digər xəbərləri
