ÜMUMMİLLİ LİDER HEYDƏR ƏLİYEVİN MƏZARINI VƏ ŞƏHİDLƏR XİYABANINI ZİYARƏT
ATƏT Parlament Assambleyası sədrinin müavini Oleq Bilorus və onu müşaiyət edən şəxslər oktyabrın 26-da Fəxri xiyabana gəldilər. Burada onları Milli Məclis sədrinin müavini, Azərbaycanın ATƏT PA-dakı nümayəndə heyətinin rəhbəri Bahar Muradova qarşıladı. Oleq Bilorus Azərbaycan xalqının ümummilli lideri Heydər Əliyevin xatirəsini ehtiramla yad etdi, məzarı önünə gül-çiçək dəstələri qoydu.
X X X
Sonra qonaqlar Şəhidlər xiyabanını ziyarət edərək, Azərbaycanın müstəqilliyi və ərazi bütövlüyü uğrunda şəhid olmuş qəhrəman Vətən oğullarının xatirəsini ehtiramla andılar, məzarları üstünə və “Əbədi məşəl” abidəsi önünə tər qərənfillər düzdülər.
Milli Məclis sədrinin müavini Bahar Muradova qonaqlara Şəhidlər xiyabanının tarixi, Azərbaycan xalqının azadlıq uğrunda mübarizəsi barədə ətraflı məlumat verdi.
Sonra qonaqlar Bakının və Xəzərin mənzərəsini seyr etdilər.
Bölmənin digər xəbərləri
